ការធ្វើទីផ្សារ បើនិយាយឱ្យសាមញ្ញ វាប្រៀបបាននឹង ការញ៉ែមនុស្សស្រី អញ្ចឹងដែរ

ការធ្វើទីផ្សារ បើនិយាយឱ្យសាមញ្ញ វាប្រៀបបាននឹង ការញ៉ែមនុស្សស្រី អញ្ចឹងដែរ។ បើអ្នកចង់ឱ្យគេព្រមប្រគល់លុយឱ្យអ្នក អ្នកមិនអាចដើរទៅបង្ខំគេចំៗបានទេ។

ខាងក្រោមនេះ គឺជាយុទ្ធសាស្ត្រ ញ៉ែ អតិថិជនឱ្យជាប់ចិត្ត៖

១. បង្ហាញចំណុចល្អឱ្យគេឃើញ ជំហានដំបូង បើគេមិនឃើញអ្នកផង តើគេអាចស្រឡាញ់អ្នកបានយ៉ាងម៉េច?

អ្នកត្រូវបង្កើតមាតិកា ឬវីដេអូ ដើម្បីបង្ហាញខ្លួនឱ្យអតិថិជនបានឃើញជាមុនសិន។

២. បញ្ឆេះចំណង់ឱ្យគេចង់បាន ត្រូវការការលក់ដ៏ពូកែ មិនមែនដេញប្រាប់គេឱ្យទិញទេ តែជាការធ្វើឱ្យគេចង់បានដោយខ្លួនឯង។

ផលិតផល = សំបកវេចខ្ចប់ ការតែងខ្លួន + គុណភាពខាងក្នុងដូចអត្តចរិត។

បើស្អាតតែសំបកក្រៅ តែចរិតមិនល្អ ផលិតផលប្រើមិនកើត គេនឹងរត់ចោលអ្នកមិនខាន។

៣. ទៅឱ្យចំកន្លែង និងមនុស្ស បើអ្នកលក់អាហារបំប៉នសុខភាព តែទៅផ្សព្វផ្សាយក្នុងក្លឹបផឹកស៊ី គឺខុសគោលដៅហើយ។

អ្នកត្រូវយកខ្លួនឯងទៅកន្លែងដែលមាន មនុស្សដែលអ្នកចង់បាន។

តោះ! មកមើលពីរបៀបដែលលុយរត់ចូលហោប៉ៅរបស់អ្នក តាមរយៈការអនុវត្តរូបមន្តញ៉ែខាងលើនេះ។

ឧបមាថា អ្នកលក់ផលិតផលមួយដែលមានតម្លៃ ១២០,០០០៛ ក្នុងមួយប្រអប់ ចំណេញដាច់ ៤០,០០០៛ ក្នុងមួយប្រអប់៖

ក. ដំណាក់កាលញ៉ែដំបូង ការចាយលើការផ្សព្វផ្សាយ

អ្នកចំណាយលើការរុញវីដេអូ ចំនួន ៤០,០០០៛ ក្នុងមួយថ្ងៃ។

វីដេអូរបស់អ្នកមានមនុស្សឃើញ ១០,០០០ នាក់។

ក្នុងចំណោមនោះ មានមនុស្សចាប់អារម្មណ៍សួរព័ត៌មាន ១០០ នាក់។

ខ. ដំណាក់កាលបិទការលក់

បើអ្នកញ៉ែពូកែ ឆ្លើយឆាតល្អ និងផលិតផលត្រូវចិត្ត អ្នកអាចលក់បាន ១០% នៃអ្នកសួរ។ អ្នកលក់បាន ១០ នាក់ ក្នុងចំណោម ១០០ នាក់។

គ. ដំណើរការនៃលទ្ធផលសរុបប្រចាំថ្ងៃ៖

ចំណូលសរុប ១០ នាក់ x ១២០,០០០៛ = ១,២០០,០០០៛

ប្រាក់ចំណេញដាច់ ១០ នាក់ x ៤០,០០០៛ = ៤០០,០០០៛

ដកថ្លៃផ្សព្វផ្សាយ ៤០០,០០០៛ - ៤០,០០០៛ = ៣៦០,០០០៛ ចំណេញសុទ្ធក្នុងមួយថ្ងៃ។

នៅពេលអ្នកឃើញថា ការញ៉ែរបស់អ្នកមានប្រសិទ្ធភាព អ្នកអាចពង្រីកវាបាន។

១. លទ្ធផលប្រចាំខែ ៣០ ថ្ងៃ៖

ចំណេញសុទ្ធសរុប ៣៦០,០០០៛ x ៣០ ថ្ងៃ = ១០,៨០០,០០០៛

២. អំណាចនៃការប្រាប់តៗគ្នា បើផលិតផលអ្នកមានគុណភាពល្អ អតិថិជនចាស់នឹងទិញម្តងទៀតដោយមិនចាំបាច់ឱ្យអ្នកចំណាយលុយផ្សព្វផ្សាយលើកទី ២ ឡើយ។

បើក្នុងចំណោមមនុស្ស ១០ នាក់ មាន ៣ នាក់ត្រឡប់មកទិញរៀងរាល់ខែ៖

អ្នកនឹងមានប្រាក់ចំណេញបន្ថែម ៣ នាក់ x ៤០,០០០៛ = ១២០,០០០៛ នេះគឺជាលុយចំណេញសុទ្ធ ១០០% ដោយគ្មានថ្លៃផ្សព្វផ្សាយ។

ដើម្បីទទួលបានជោគជ័យផ្នែកហិរញ្ញវត្ថុ អ្នកត្រូវមានផលិតផលដែលល្អពិតប្រាកដ រួចយកវាទៅធ្វើទីផ្សារឱ្យចំគោលដៅ។

ការធ្វើបែបនេះ សារចុះសារឡើង នឹងធ្វើឱ្យចំនួនអតិថិជនកើនឡើង ផេករបស់អ្នកធំឡើង ហើយប្រាក់ចំណូលរបស់អ្នកក៏នឹងកើនឡើងជាលំដាប់។

តើបងប្អូនយល់ឃើញយ៉ាងណាដែរ ចំពោះរូបមន្តញ៉ែអតិថិជននេះ?

អរគុណអ្នកទាំងអស់គ្នា ដែលតែងតែគាំទ្រ Money Buddy មករហូត!

សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា!

ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។