វិជ្ជានាំទៅជិតអ្នកធំ

%E1%9E%9C%E1%9E%B7%E1%9E%87%E1%9F%92%E1%9E%87%E1%9E%B6%E1%9E%93%E1%9E%B6%E1%9F%86%E1%9E%91%E1%9F%85%E1%9E%87%E1%9E%B7%E1%9E%8F%E1%9E%A2%E1%9F%92%E1%9E%93%E1%9E%80%E1%9E%92%E1%9F%86

វិជ្ជានាំទៅជិតអ្នកធំ

"វិជ្ជាយឹតយោងជនដែលនៅថោកទាប ឲ្យចូលទៅជិតព្រះនរបតីដែលនៅជិតបានដោយកម្រ ឬអ្នកមានបុណ្យជាងព្រះនរបតីទៀត" ។

ផ្កាឈូក ដែលបូជាព្រះ គឺជាផ្កាដែលមានប្រភពមកពីភក់ជ្រាំ ។ ផ្កាដែលគេអាចយកទៅបូជាដូច្នោះ ក៏ព្រោះសម្រស់ និងក្លិនល្អ ចំណែកអ្នកអាចទៅបម្រើរដ្ឋការ, ក្រុមហ៊ុននានា ឬចូលទៅជិតអ្នកធំបាន ក៏ព្រោះមានវិជ្ជានេះឯង ។

មានថ្នាក់ដឹកនាំច្រើនណាស់ កើតពីអ្នកក្រ តែតស៊ូរៀនមានចំណេះអាចក្លាយជាថ្នាក់ដឹកនាំ ។ ឱកាស បានចូលទៅជិតអ្នកធំ គឺអ្នកមានវិជ្ជា មានឱកាសច្រើនជាងគេ ព្រោះជាមនុស្សអ្នកធំត្រូវការ ។ ឧទាហរណ៍ ក្មេងជនបទដាច់ស្រយាល គ្រាន់តែប្រឡងជាប់និទ្ទេស A ភ្លាម ពួកគាត់មានកិត្តិយសបានជួបនាយករដ្ឋមន្ត្រីភ្លែត ។ អ្នកមានវិជ្ជាមិនបាច់សុំអ្នកធំ ថតរូប ឬឈរជិតយកតែមអ្វីទេ គឺអ្នកធំហៅទៅជិតតែម្តង ។ វិជ្ជាបែបនេះឯង គឺតែងកែប្រែវាសនាមនុស្សពីទាបទៅខ្ពស់ ពីភ័យខ្លាចទៅក្លាហាន ពីល្ងង់ខ្លៅ ទៅចេះដឹង ។

បើយើងមានគោលដៅ ឬមានឆន្ទៈថាធ្វើអ្វីមួយ ជា មុនដំបូងត្រូវមានវិជ្ជាសិន ត្រូវដាក់វិជ្ជាជាគោលដៅទីមួយ ព្រោះវិជ្ជាជាស្បៀង វិជ្ជាជាស្ពាន វិជ្ជាជាឃ្លាំងទ្រព្យ ដើម្បីចាប់ឈោងទៅកាន់ទីមួយទៀត ៕