ព្រះសទ្ធមបដិរូប

អ្វីដែលដល់ពេលវេលាកើត វាគង់តែនឹងកើត

ប្រសិនបើយើង ចង់ទិញមាស ទៅហាងមាស

ហើយ អ្នកលក់គេឱ្យយើងរើសមាសខ្លួនឯងថា

រវាងមាសសុទ្ធ និងមាសក្លែងក្លាយ

បើយើងមិនមានជំនាញមើល រើសប៉ះចំមាសក្លែងក្លាយ

យើងក៏មិនអាចបន្ទោសអ្នកលក់មាសនោះបានដែរ

ព្រោះយើងជាអ្នកសម្រេចចិត្តជ្រើសរើសខ្លួនឯង

មិនមានអ្នកណាបង្ខំយើងទេ

ធម្មៈក៏ដូចគ្នា

មាសសុទ្ធនិងមាសក្លែងក្លាយលំបាកមើលក៏ពិតមែន

ប្រសិនបើយើង មិនដែលស្គាល់មាសសុទ្ធ

ប៉ុន្តែបើយើងជាអ្នកប្រើប្រាស់មាសសុទ្ធ ជាអ្នកបានរៀនមើលរូបមន្ត

មានវិធីមើល ត្រួតមើលដោយពិនិត្យបន្តិច

នឹងដឹងថា មាសនោះ សុទ្ធ ឬ មាសក្លែងក្លាយ

យ៉ាងណា ធម្មៈដែលព្រះសម្មាសម្ពុទ្ធត្រាស់សម្តែងក៏យ៉ាងនោះដែរ

ព្រះអង្គបានប្រាប់វិធី រូបមន្ត នៃការមើលថា

តើធម្មៈនោះ ក្លែងក្លាយ (ប្លម) ឬ ក៏របស់ពិត

ចងចាំរូបមន្តជាប់ជានិច្ច

ពេលយើងបានស្តាប់ បានឮ ធម្មៈអ្នកណាក៏ដោយ

មិនថា គ្រហស្ថ បុព្វជិត ឬ គ្រូបាអារ្យដែលស្តាប់ទៅ

គួរឱ្យជ្រះថ្លា យើងរំភើបបីតិ ប្រៀបបាននឹងយើង

ទទួលបានមាសសុទ្ធ តែធាតុពិត អាចជាមាស ក្លែងក្លាយ

យ៉ាង សូមសង្កេតមើលរូបមន្តនេះ ដែលព្រះសម្មាសម្ពុទ្ធ

ត្រាស់សម្តែងទុកហើយ

ព្រះសទ្ធមបដិរូប (ធម៌ក្លែងក្លាយ តែស្តាប់ទៅពិរោះ ល្អស្តាប់ប្រហែលៗធម៌ពិត

ឱ្យមើល ហេតុ ៥ ប្រការ

{បិដក ភាគ ៣២ - ទំព័រទី ១៧៦ ឃ្លាប [​១៩៩​]​ រហូតដល់ បិដក ភាគ ៣២ - ទំព័រទី ១៨០

ព្រះសទ្ធមបដិរូប (ធម៌ប្លម ឬ ធម៌ក្លែងក្លាយ) នាំឱ្យវិនាសធម៌ពិតគឺ៖

១. បរិស័ទ ៤ (ភិក្ខុ ភិក្ខុនី ឧបាសក ឧបាសិកា) មិនគោរពកោតក្រែង មិនឱ្យតម្លៃចំពោះព្រះសម្មាសម្ពុទ្ធ

២. បរិស័ទ ៤ (ភិក្ខុ ភិក្ខុនី ឧបាសក ឧបាសិកា) មិនគោរពកោតក្រែង មិនឱ្យតម្លៃ ចំពោះព្រះធម៌ដែលព្រះសម្មាសម្ពុទ្ធសម្តែងហើយ (ដូចជាការចងក្រងក្នុងបិដក មើលងាយត្រៃបិដកជាដើម)

៣. បរិស័ទ ៤ (ភិក្ខុ ភិក្ខុនី ឧបាសក ឧបាសិកា) មិនគោរពកោតក្រែង មិនឱ្យតម្លៃ ចំពោះព្រះសង្ឃសាវកព្រះសម្មាសម្ពុទ្ធ

៤. បរិស័ទ ៤ (ភិក្ខុ ភិក្ខុនី ឧបាសក ឧបាសិកា) មិនគោរពកោតក្រែង មិនឱ្យតម្លៃ ចំពោះសិក្ខាបទ (ល្មើសសិក្ខាបទជាដើម)

៥. បរិស័ទ ៤ (ភិក្ខុ ភិក្ខុនី ឧបាសក ឧបាសិកា) មិនគោរពកោតក្រែង មិនឱ្យតម្លៃ ចំពោះសមាធិ (គិតសមាធិ មិនមានប្រយោជន៍ មិនមានន័យ មិនគួរធ្វើ ជាដើម)

ព្រះធម៌ពិតនាំឱ្យមានភាពរីកចម្រើនគឺ

១. បរិស័ទ ៤ (ភិក្ខុ ភិក្ខុនី ឧបាសក ឧបាសិកា) គោរពកោតក្រែងចំពោះព្រះសម្មាសម្ពុទ្ធ

២. បរិស័ទ ៤ (ភិក្ខុ ភិក្ខុនី ឧបាសក ឧបាសិកា) គោរពកោតក្រែងចំពោះព្រះធម៌ដែលព្រះសម្មាសម្ពុទ្ធសម្តែងហើយ

៣. បរិស័ទ ៤ (ភិក្ខុ ភិក្ខុនី ឧបាសក ឧបាសិកា) គោរពកោតក្រែងចំពោះព្រះសង្ឃសាវកព្រះសម្មាសម្ពុទ្ធ

៤. បរិស័ទ ៤ (ភិក្ខុ ភិក្ខុនី ឧបាសក ឧបាសិកា) គោរពកោតក្រែងចំពោះសិក្ខាបទ (មិនល្មើសមិនបំពាន មិនបន្ថែម មិនបន្ថយ)

៥. បរិស័ទ ៤ (ភិក្ខុ ភិក្ខុនី ឧបាសក ឧបាសិកា) គោរពកោតក្រែងចំពោះសមាធិ (សមាធិជាបុណ្យថ្នាក់ខ្ពស់ គួរចម្រើន)

ពេលយល់ពីរូបមន្តមើលហើយ យើងក៏មិនឆ្ងល់ មិនបារម្ភរឿងស្តាប់បន្តថា នោះធម៌ពិតឬធម៌ក្លែងក្លាយទៀតឡើយ

សូមឱ្យចងចាំរូបមន្ត ៥ ប្រការនេះបាទ