អក្សរខ្មែរយើងឆ្លាក់ទាំង ៣៣ តួរ ។

តើអក្សរខ្មែរមានចាប់តាំងពីពេលណាមក? ហើយមានប្រភពមកពីណាដែរ? ដោយ ហេង ប៊ុនខេង៖ ជនជាតិខ្មែរយើងប្រឌិតយកលំនាំអក្សរតាមឥណ្ឌាផ្នែកខាងត្បូង គឺក្នុងចំណោមបែបសំយោគវិធី។ ប៉ុន្តែអក្សរយើង ពុំមែននៅគង់រូបរាងបេះបិទអក្សរដើមមកពីឥណ្ឌាទេ គឺខ្មែរពីឥណ្ឌា។ តាមប្រវត្តិ យើងឃើញថា អក្សរខ្មែរមានរូបរាងឡើង កាលពីគ្រិស្តសតវត្សទី២ ដោយអាងលើមូលហេតុដូ​ចតទៅនេះ៖ កាលពីមុនគ្រិស្តសតវត្ស រហូតមកដល់សតវត្សទី១ យើងពុំទាន់មានតួរអក្សរប្រើប្រាស់ទេ ទំនងជាកាលនោះ បើគេចង់កត់សម្គាល់អ្វីមួយ គេប្រើតែវិធីចងចាំក្នុងចិត្ត ឫលាក់ឈើ លាក់់ថ្មជាគ្រឿងចំណាំ។ លុះមកដល់សតវត្សទី៣ (គ.ស.២២៣) ស្រាប់តែមានសិលាចរឹកមួយរបស់ព្រះបាទស្រីមារះនៅស្រុកវ៉ូកាញ ខេត្តញ៉ាងត្រាងសព្វថ្ងៃ ដែលកាលនោះជាទឹកដីរបស់ខ្មែរ មានអក្សរខ្មែរពីរផ្ទាំង គឺមួយជាភាសាសំស្រឹ្កត និងមួយទៀតជាភាសាខ្មែរបូរាណ។ ហើយអក្សរ ដែលចារឹកនិងថ្មនោះ មានរបៀបរៀបរយជាស្រេច។ ដូច្នេះ អ្នកស្រាវជាវបានសន្និដ្ឋានបានថា បើមានការរៀបចំបានល្អបែបនេះអក្សរពុំមែនទើបតែកើតឡើងទេ គឺពិតជាកើតឡើងតាំងពីសតវត្សទី២ នោះឯង។ ខ្មែរយើងជាជាតិមួយមានទេពកោសល្យផ្ទាល់ខ្លួនឯង ហេតុនេះទោះបីជាយើងប្រឌិតយកលំនាំអក្សរ ឫអ្វីដែលជាមែកធាងវប្បធម៍ពីប្រទេសដទៃក៏ដោយ យើងតែងតែឆ្នៃរចនាបែបបទវិជ្ជានោះអោយទាល់តែមានលក្ខណៈប្លែកពិសេស ដែលសមជារបស់ជាតិយើង។ ចំណែកឯ អក្សរដែលយើងប្រើប្រាស់ក្នុងពេលបច្ចុប្បន្ន ជាកេរ្ត៍នៃអក្សរដែលបង្កើតឡើងតាំងពីដើមបង្អស់នោះមក ដោយមានការកែប្រែអស់១០លើកមកហើយ។ចុចអានបន្ត:.....https://km.wikipedia.org/wiki/%E1%9E%97%E1%9E%B6%E1%9E%9F%E1%9E%B6_%E1%9E%93%E1%9E%B7%E1%9E%84%E2%80%8B%E1%9E%A2%E1%9E%80%E1%9F%92%E1%9E%9F%E1%9E%9A%E2%80%8B%E1%9E%81%E1%9F%92%E1%9E%98%E1%9F%82%E1%9E%9A