៙ គ្រឿងផ្សំ ៖
១- បង្គាស្រស់ ៣ខាំ ហាន់ជាគ្រាប់ៗ
២- មឹកបំពង់ ៣ខាំ ហាន់ជាគ្រាប់ៗ
៣- សាច់ជ្រូកចិញ្ច្រាំ ៣ខាំ
៤- ផ្សិតខ្មៅ (ផ្សិតតុងកូវ) ២ខាំ កាត់ដើមវាចេញ យកតែក្បាល
៥- ការ៉ុត ១ខាំ ហាន់ជាគ្រាប់ៗ
៦- ទំពាំងកំប៉ុង ១ខាំ ហាន់ជាគ្រាប់ៗ
៧- ខ្ញីចិញ្ច្រាំ កន្លះខាំ
៨- ស្លឹកខ្ទឹមកាត់ខ្លីៗ
៩- អំបិល ១ចុងស្លាបព្រាកាហ្វេ
១០- ម្រេចម៉ដ្ឋ ១ស្លាបព្រាកាហ្វេ
១១- ស្ករស ១ស្លាបព្រាបាយ
១២- ម្សៅស៊ុប ១ស្លាបព្រាកាហ្វេ
១៣- ប្រេងខ្យង ២ស្លាបព្រាបាយ
១៤- ប្រេងល្ង ១ស្លាបព្រាកាហ្វេ
១៥- ម្សៅឆា ២ស្លាបព្រាបាយ
១៦- សម្បកគាវពណ៌លឿង
១៧- ប្រេងឆា
៙ របៀបធ្វើ៖
១- ដាំទឹកឲ្យពុះដាក់ស្រុះ បង្គា មឹក ផ្សិតខ្មៅ ការ៉ុត និងទំពាំង ប្រហែលជា ២នាទី សឹមស្រង់វាយកទៅដាក់ក្នុងទឹកត្រជាក់វិញ រួចពូតទឹកចេញឲ្យអស់ ចាក់ចូលចានជាមួយ សាច់ជ្រូក ខ្ញី និង ស្លឹកខ្ទឹម ។
២- ផ្សំរសជាតិដោយ អំបិល ស្ករ ម្រេច ម្សៅស៊ុប ប្រេងខ្យង ប្រេងល្ង និងម្សៅឆាច្របល់ចូលគ្នាអោយសព្វ រួចយកសម្បកគាវមកខ្ចប់។
៣- យកស្លឹកចេក ឬក្រដាសទ្រាប់នំ លាបប្រេងឆាបន្តិច តម្រៀបលើចានចំហុយ រួចយកសៀវម៉ៃតម្រៀបពីលើ។
៤- ដាំទឹកឲ្យពុះ រួចដាក់សៀវម៉ៃចំហុយរហូតដល់ឆ្អិន ទទួលទានសៀវម៉ៃជាមួយទឹកស៊ុប ទឹកស៊ីអ៊ីវ សរសៃខ្ញី និងទឹកសៀងផ្អែម ឬទឹកម្ទេស តាមចំណូលចិត្ត៕
