៙ គ្រឿងផ្សំ ៖
១- សាច់គោ (សាច់វាវជាប់ខ្លាញ់) ១គីឡូកន្លះ
២- ពោះគោ ធ្វើស្អាត ៥ខាំ
៣- ម្ទេសដៃនាងខ្ចី ៣ខាំ
៤- ត្រកួនទឹក ៥ខាំ
៥- ស្លឹកកន្ទ្រោប អាំងអោយស្រួយច្របាច់អោយម៉ត់
៦- គ្រឿងបុក ៣ខាំ
៧- អំពិលម៉ដ្ឋ ៣ស្លាបព្រាបាយ
៨- ប្រហុក ចិញ្ច្រាំអោយម៉ដ្ឋ ២ស្លាបព្រាបាយ
៩- ទឹកត្រី ២ស្លាបព្រាបាយ
១០- ស្ករ ២ស្លាបព្រាបាយ
១១- ម្សៅស៊ុប ២ស្លាបព្រាបាយ
១២- អំបិល ១ស្លាបព្រាបាយ
៙ របៀបធ្វើ ៖
១- ហាន់សាច់ជាដុំតូចល្មម (មិនធំពេក មិនតូចពេក)។
២- ត្រកួនបេះស្លឹកផ្សេង ដើមផ្សេង រួចកាត់ដើមប្រវែង១ថ្នាំងដៃ និងច្របាច់អោយបែកដើម ដាក់ត្រាំទឹកទុកមួយអន្លើ។
៣- ដាក់សាច់ក្នុងឆ្នាំង ដាក់គ្រឿងបុក អំពិល ទឹកត្រី ស្ករ ម្សៅស៊ុប អំបិល និងប្រហុកច្របល់អោយសព្វចូលគ្នាល្អ គ្រប់ទុក៥នាទីសិន សឹមបើកភ្លើង។
៤- ឆាសាច់អោយរីងទឹក (ទឹកចេញពីសាច់) ប្រហែល១០នាទី រួចដាក់ពោះគោចូលកូអោយសព្វ គ្របទុកចោលប្រហែល ១០ទៅ២០នាទី (អោយរីងទឹក)។
៥- បន្ទាប់មកដាក់ ទឹកចូលទុកមួយពុះ រួចដាក់ម្ទេសចូល ទុកប្រហែល ២០នាទី ឬរហូតដល់សាច់ផុយ (មិនបាច់គ្របគំរបទេ) ។
៦- ដាក់ដើមត្រកួនចូលទុកអោយពុះ រួចដាក់ស្លឹកចូលទុកអោយពុះម្តងទៀត សឹមដាក់ស្លឹកកន្ទ្រោបចូលជាការស្រេច ៕
