៙ គ្រឿងផ្សំ ៖
១- សាច់ទា ៣០០ ក្រាម
២- ប្រហុក ២ សាច់ត្រី
៣- គល់ស្លឹកគ្រៃហាន់ ១ កូនចាន
៤- រំដេង ១ ដុំ
៥- ក្រូចសើច ១ ផ្លែ
៦- ខ្ទឹមស ៣ កំពឹស
៧- ម្ទេសហាវៃ ១/២ ផ្លែ
៨- ខ្ទឹមបារាំង ១/២ ផ្លែ
៩- ម្ទេសក្រហម ១ ផ្លែ
១០- ជីរម្រះព្រៅ ១ ដើម
១១- ស្លឹកខ្ទឹម ១/២ ចានចង្កឹះ
១២- ស្លឹកកន្ទ្រោក ១ ដើម
១៣- ស្លឹកក្រូចសើច ២ សន្លឹក
១៤- ទឹកត្រី ១ ស្លាបព្រាបាយ
១៥- ស្ករស ១ ស្លាបព្រាបាយ
១៦- អំបិល ១/២ ស្លាបព្រាកាហ្វេ
១៧- ម្សៅស៊ុបមាន់ ១/២ ស្លាបព្រាកាហ្វេ
១៨- ប្រេងឆា ១ ស្លាបព្រាបាយ
៙ របៀបធ្វើ ៖
១- សាច់ទា (យកលាយខ្លាញ់) ហាន់បន្ទះស្តើងៗ
២- យកត្បាល់បុក គ្រឿងឲ្យម៉ដ្ឋទុកមួយអន្លើ
៣- ម្ទេសហាវៃ ខ្ទឹមបារាំង ម្ទេសក្រហម ហាន់ដុំល្មមបញ្ឆិតៗ ជីរម្រះព្រៅបេះលាងទឹកឲ្យស្អាត។
៤- យកឆ្នាំងសម្លដាក់ខ្លាញ់ឲ្យក្តៅ បំពងខ្ទឹមឲ្យឈ្ងុយ ចាក់ប្រហុក និង គ្រឿងចូលកូរឲ្យឈ្ងុយ
៥- រួចចាក់សាច់ទាចូលឆាត្រលប់ចុះត្រលប់ ឡើងដាច់ទឹកបន្តិច
៦- ទើបបង់គ្រឿងចូលដូចជា : ទឹកត្រី ស្ករស អំបិល ម្សៅស៊ុបមាន់ រំងាស់ឲ្យចូលជាតិបន្តិចទើបបង់បន្លែចូល រំងាស់បន្ត រហូតដល់ទន់ បន្លែ ។
៧- ទើបបង់ស្លឹកខ្ទឹម (ចិញ្ច្រាំឲ្យម៉ដ្ឋ)ចូល បន្ថែមទឹក ឲ្យល្មមទុកឲ្យពុះទើបដាក់បង់ ស្លឹកកន្ទ្រោក និង ជីរម្រះព្រៅជាការស្រេច៕
