តោះមកស្ដាប់រឿងពិតពីលោក Stan Lee បិតាបង្កើតកំពូលវីរបុរស Spider-Man។ កាលគាត់យកគំនិត Spider-Man ទៅប្រាប់មេរបស់គាត់ មេគាត់ថា Stan! ហ្នឹងជាគំនិតអន់បំផុតដែលខ្ញុំធ្លាប់ឮ។ មូលហេតុគឺ មនុស្សស្អប់សត្វពីងពាង ក្មេងជំទង់ធ្វើជាកំពូលវីរបុរសមិនកើតទេ ហើយវីរបុរសមិនគួរមានបញ្ហាផ្ទាល់ខ្លួនជំពាក់លុយ ឬមានវិបត្តិស្នេហាឡើយ។
តែ Stan Lee មិនបោះបង់ គាត់លួចដាក់ Spider-Man ក្នុងទស្សនាវដ្តីចុងក្រោយដែលរៀបនឹងបិទទ្វារ។
លទ្ធផល គឺវាលក់ដាច់បំផុត រហូតមេគាត់រត់មកសុំឱ្យធ្វើជាស៊េរីរឿងវិញ។
មេរៀននេះបង្រៀនថា គំនិតដែលគេថាមិនអាចទៅរួច ជារឿយៗ គឺជាឱកាសមាសដែលគេមើលមិនឃើញ។
បំប្លែងគំនិតឱ្យទៅជាទ្រព្យសម្បត្តិ មិនថាអ្នកជាអ្នកធ្វើការ ឬម្ចាស់អាជីវកម្មទេ បើចង់ឱ្យគំនិតរបស់អ្នកជោគជ័យដូច Spider-Man អ្នកត្រូវចេះគណនា តម្លៃនៃឱកាស និងវិន័យហិរញ្ញវត្ថុ ដើម្បីទ្រទ្រង់គំនិតនោះឱ្យចេញជារូបរាង។
ឧបមាថា អ្នកមានគំនិតចង់បង្កើតអាជីវកម្មខ្នាតតូចមួយ ដែលអ្នកជឿជាក់ថាមានទីផ្សារ។១. ការរៀបចំដើមទុនបម្រុង កុំចេញរកស៊ីទាំងប្រថុយប្រថានគ្មានផែនការ។ បើចំណូលប្រចាំខែរបស់អ្នកគឺ ២,៤០០,០០០៛ ៖
ដកសន្សំសម្រាប់មូលនិធិគំនិត ចំនួន ៣០% = ៧២០,០០០៛ ក្នុងមួយខែ។
ក្នុងរយៈពេល ១២ ខែ អ្នកនឹងមានលុយ ៨,៦៤០,០០០៛ ដើម្បីចាប់ផ្ដើមធ្វើគំនិតរបស់អ្នកឱ្យចេញជារូបរាង។
២. នៅពេលអ្នកចាប់ផ្ដើមអនុវត្តគំនិតនោះ ចូលប្រើរូបមន្តចំណេញតិច តែទៀងទាត់ ៖
ឧបមាថា ផលិតផលរបស់អ្នកចំណេញ ៤០,០០០៛ ក្នុងមួយឯកតា។បើយកគំនិតដែលគេថា មិនកើតនោះមកសម្រិតសម្រាំង ហើយលក់ដាច់ត្រឹម ៥ គ្រឿងក្នុងមួយថ្ងៃ៖
ចំណេញប្រចាំថ្ងៃ ៥ គ្រឿង x ៤០,០០០៛ = ២០០,០០០៛
ចំណេញប្រចាំខែ ៣០ ថ្ងៃ៖ ៣០ ថ្ងៃ x ២០០,០០០៛ = ៦,០០០,០០០៛
សរុបលទ្ធផលក្នុង ១ ឆ្នាំ ៧២,០០០,០០០៛។
នេះ គឺជាផលចំណេញដែលកើតចេញពី គំនិតដែលគេធ្លាប់មើលងាយ។
បើអ្នកបោះបង់តាមសម្ដីគេ អ្នកនឹងបាត់បង់ចំណូល ៧២,០០០,០០០៛ នេះភ្លាមៗ។
របៀបការពារគំនិតរបស់អ្នកមិនឱ្យងាប់ពាក់កណ្តាលផ្លូវ៖១. កុំពឹងលើសំណាង Stan Lee ជោគជ័យព្រោះគាត់មានជំនាញសរសេរ ៣០ ឆ្នាំ។
អ្នកត្រូវអភិវឌ្ឍជំនាញឱ្យក្លាយជាអ្នកជំនាញ ក្នុងវិស័យរបស់អ្នក។
២. រស់នៅឱ្យទាបជាងលទ្ធភាព ទោះរកបាន ៦,០០០,០០០៛ ពីគំនិតថ្មី ក៏ត្រូវបន្តរស់នៅដូចកាលរកបាន ២,៤០០,០០០៛ ដដែល។
*ចន្លោះសល់ ៣,៦០០,០០០៛ (៦,០០០,០០០៛ - ២,៤០០,០០០៛) ត្រូវយកទៅវិនិយោគបន្តលើបច្ចេកវិទ្យា ឬ AI ដើម្បីពន្លឿនការងារ។
៣. ប្រើច្បាប់ ៤៨ ម៉ោង ពេលចង់ទិញរបស់បង្អួតគេដើម្បីអបអរជោគជ័យដំបូង ត្រូវផ្អាក ៤៨ ម៉ោង។
បើអ្នកសន្សំលុយបានពីការមិនទិញរបស់មិនចាំបាច់តម្លៃ ២,០០០,០០០៛ នោះមានន័យថា អ្នករកបាន ២,០០០,០០០៛ បន្ថែមសម្រាប់ពង្រីកអាជីវកម្ម។
បើអ្នកមានអារម្មណ៍ថាវាល្អ អ្វីមួយដែលមានន័យសម្រាប់អ្នក ចូរព្យាយាមធ្វើវាចុះ! អ្នកអាចធ្វើការងារបានល្អ លុះត្រាតែអ្នកកំពុងធ្វើអ្វីដែលអ្នកចង់ធ្វើ ហើយធ្វើវាតាមវិធីដែលអ្នកគិតថាគួរតែធ្វើ។"
តើបងប្អូនមានគំនិតអ្វីដែលប្លែក ហើយចង់ធ្វើនៅពេលនេះទេ? ចូរចាំថា គ្មាននរណាម្នាក់មើលឃើញអនាគតក្នុងការគិតរបស់អ្នក ក្រៅពីខ្លួនអ្នកឡើយ។
អរគុណអ្នកទាំងអស់គ្នា ដែលតែងតែគាំទ្រ Money Buddy មករហូត! សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា! 
ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។
