មនុស្សខ្លះរៀនសូត្រខ្ពង់ខ្ពស់ ចំណេះដឹងពេញខ្លួន តែជីវិតជាក់ស្ដែងបែរជាដេកមិនលក់ ព្រោះតែជាប់ផុងក្នុងវាលវដ្តនៃបំណុល

មនុស្សខ្លះរៀនសូត្រខ្ពង់ខ្ពស់ ចំណេះដឹងពេញខ្លួន តែជីវិតជាក់ស្ដែងបែរជាដេកមិនលក់ ព្រោះតែជាប់ផុងក្នុងវាលវដ្តនៃបំណុល។

ខាងមុខគេឯង ជិះឡានស៊េរីទំនើប ស្លៀកពាក់ឆើតឆាយ មើលទៅដូចអ្នកជោគជ័យខ្លាំងណាស់ តែនៅពីក្រោយខ្នង គឺត្រូវរត់រកលុយមកបង្វិលសងគេសឹងមិនទាន់ដង្ហើម។

នេះហើយជាលទ្ធផលនៃការបណ្តោយឱ្យលុយមក "គ្រប់គ្រងជីវិត" ជំនួសឱ្យការដែលយើងជា "ម្ចាស់លើលុយ"។

តើធ្វើដូចម្តេច ដើម្បីក្លាយជាអ្នកឈ្នះក្នុងហ្គេមហិរញ្ញវត្ថុពិតប្រាកដ?

វាមិនមែនទាល់តែមានលុយរាប់ពាន់លានដុល្លារទេ តែវាគឺជាការមាន "សេរីភាព" និង "ជម្រើស"។

តោះមកមើលផែនការជាក់ស្ដែង ដែលមនុស្សម្នាក់អាចផ្លាស់ប្តូរវាសនាខ្លួនឯងបាន៖

១. បង្កើត "អំណាចនៃជម្រើស" ដោយការសន្សំមុនចាយ

សាកស្រមៃមើល បើអ្នកគ្មានលុយសន្សំសោះ ការងារដែលអ្នកស្អប់ មេកើយដែលយ៉ាប់យ៉ាងណាក៏អ្នកត្រូវតែទ្រាំធ្វើការឲ្យគេ ព្រោះខ្លាចអត់លុយបង់ថ្លៃផ្ទះ ឬទិញអង្ករច្រកឆ្នាំង។

តែបើអ្នកមានលុយបំរុង អ្នកមានសិទ្ធិនិយាយថា "ទេ" បើអ្នករកចំណូលបាន ២,០០០,០០០៛ ក្នុងមួយខែ។

ដក ២០% គឺស្មើនឹង ៤០០,០០០៛ ដាក់ក្នុងគណនីដែលមិនប៉ះពាល់ភ្លាមៗនៅថ្ងៃបើកលុយ។

លទ្ធផល៖ ក្នុង ១ ឆ្នាំ អ្នកនឹងមានលុយសល់ ៤,៨០០,០០០៛។

លុយជិត ៥ លានរៀលនេះហើយ ជាអំណាចដែលអនុញ្ញាតឱ្យអ្នកសម្រេចចិត្តលាឈប់ពីការងារដែលគ្មានអនាគត ឬអាចឈរជើងបានយ៉ាងតិច ៣ ទៅ ៤ ខែដោយមិនបាច់ធ្វើការ។

២. ដោះស្រាយបញ្ហាដោយ "អំណាចសាច់ប្រាក់" លុយអាចដោះស្រាយបញ្ហាក្នុងជីវិតបានដល់ទៅ ៩៩%។

ជួបពេទ្យសេវាអន់? អ្នកមានលុយដូរទៅពេទ្យល្អ។

ឡានខូចបន្ទាន់? អ្នកមានលុយជួសជុលភ្លាម មិនបាច់ដើរខ្ចីបុលគេ។

បង្កើតកញ្ចប់ "លុយសង្គ្រោះបន្ទាន់" ឱ្យបានស្មើនឹងចំណាយ ៦ ខែ។

ការគណនា បើចំណាយចាំបាច់របស់អ្នក (ផ្ទះ ម្ហូប ទឹកភ្លើង) អស់ ១,២០០,០០០៛ ក្នុងមួយខែ។

គោលដៅ៖ អ្នកត្រូវមានលុយ ៧,២០០,០០០៛ (១,២០០,០០០៛ គុណនឹង ៦) ទុកក្នុងធនាគារ។

លទ្ធផល នៅពេលមានរឿងមិនល្អកើតឡើង ចិត្តរបស់អ្នកនឹងនៅតែ "នឹងធឹង" អ្នកមិនបាច់លក់កិត្តិយសទៅសុំលុយគេឡើយ។

៣. ទិញ "ពេលវេលា" ត្រឡប់មកវិញ មនុស្សគ្រប់គ្នាមាន ២៤ ម៉ោងស្មើគ្នា តែអ្នកមាន "ទិញពេលវេលា" បាន។

គេប្រើលុយដើម្បីជួលគេឱ្យធ្វើការងារដែលចំណាយពេលច្រើន ដើម្បីយកពេលនោះមកនៅជាមួយគ្រួសារ ឬអភិវឌ្ឍខ្លួនឯង។

ចំណែកអ្នកអត់លុយ ត្រូវយកពេលវេលាទាំងអស់ទៅដោះដូរនឹងលុយជានិច្ច វិនិយោគលើចំណេះដឹងដើម្បីបង្កើនតម្លៃខ្លួន។

សុខចិត្តចំណាយ ៨០០,០០០៛ ទៅរៀនជំនាញថ្មី ដូចជា លក់អនឡាញ ឬជំនាញបច្ចេកទេស។

លទ្ធផល៖ ពីមុនអ្នកធ្វើការ ១០ ម៉ោង រកបានត្រឹម ៤០,០០០៛ ក្នុងមួយថ្ងៃ។

ក្រោយពេលមានជំនាញ អ្នកអាចរកបាន ១០០,០០០៛ ដោយប្រើពេលត្រឹម ៤ ម៉ោង។

អ្នកចំណេញបាន ៦ ម៉ោងទៀត ដើម្បីនៅជាមួយកូន ឬមើលថែសុខភាព។

៤. រក្សាទំនាក់ទំនងដោយ "ភាពហូរហៀរ" ស្នេហា និងគ្រួសារដែលកក់ក្តៅ ក៏ត្រូវការលុយដើម្បីថែរក្សាដែរ កុំឱ្យពាក្យថា "អត់លុយ" មកបំបែកបំបាក់សេចក្តីសុខក្នុងផ្ទះ។

បង្កើតកញ្ចប់ "ក្ដីស្រឡាញ់" សម្រាប់ឪពុកម្តាយ ឬគ្រួសារ។

ដក ១០% នៃចំណូល ឧទាហរណ៍ ២០០,០០០៛ ទុកសម្រាប់ជូនគាត់ ឬនាំគាត់ទៅញ៉ាំអីឆ្ងាញ់ៗ។

លទ្ធផល៖ ទំនាក់ទំនងក្នុងគ្រួសារនឹងកាន់តែល្អ ព្រោះអ្នកមិនមែនជា "បន្ទុក" តែគឺជា "អ្នកជួយជ្រោមជ្រែង"។

លុយមិនមែនជាព្រះទេ តែលុយគឺជា "ឧបករណ៍" ដ៏មានអំណាចបំផុតដែលជួយឱ្យអ្នកអាចធ្វើជា "ខ្លួនឯង" បានកាន់តែខ្លាំង។

កុំបន្តរស់ក្នុងហ្គេម "រស់ឱ្យតែផុតៗថ្ងៃ" ទៀតអី។

ចាប់ផ្តើមចាត់ចែងលុយកាក់ពីថ្ងៃនេះទៅ ដើម្បីឱ្យលុយមក "បម្រើ" អ្នក មិនមែនឱ្យអ្នកក្លាយជា "ទាសករ" របស់វារហូតដល់ចាស់នោះឡើយ។

អរគុណអ្នកទាំងអ្នកអស់គ្នា ដែលតែងតែគាំទ្រ Money Buddy មករហូត!

សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា!

ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។