លុយអាចទិញជីវិតដែលអ្នកចង់បាន

១. លុយអាចទិញជីវិតដែលអ្នកចង់បាន មិនចម្លែកទេដែលឃើញអ្នកមានមានជីវិតរស់នៅបែបសុខស្រួល ព្រោះលុយអាចទិញជីវិតក្នុងបែបផែនដែលគេចង់បាន។

ទោះបីជាវាមិនអាចទិញបានគ្រប់យ៉ាង ប៉ុន្តែវាអាចទិញរបស់ដែលគេចង់បាន បានច្រើនជាងមនុស្សទូទៅ។

២. កុំឱ្យអ្នកដទៃមកកំណត់សមត្ថភាពរបស់អ្នក នៅពេលអ្នកចាប់ផ្តើមធ្វើអ្វីមួយ ព្យាយាមកុំឱ្យអ្នកដទៃមកធ្វើឱ្យយើងបាត់បង់ទំនុកចិត្តលើខ្លួនឯង ឬធ្វើឱ្យអ្នកមិនអាចបំបែកដែនកំណត់របស់ខ្លួនឯងបាន។

អ្នកមានសមត្ថភាពគ្រប់គ្រាន់ក្នុងការធ្វើឱ្យលើសពីគោលដៅដែលបានកំណត់ដោយមិនគួរឱ្យជឿ អ្វីៗគ្រប់យ៉ាងគឺស្ថិតលើការជ្រើសរើស និងការខិតខំប្រឹងប្រែងរបស់យើង។

៣. អ្នករកលុយពូកែ តែងតែមានចំណុចទាំង ៣ នេះ ភាពឆ្លាតវៃ នេះជាអ្វីដែលអ្នកមានតែងតែមាន។

អ្នករកលុយពូកែនឹងខិតខំសិក្សាស្វែងរកចំណេះដឹងឱ្យទាន់សម័យកាលជានិច្ច។

ភាពក្លាហាន បើមានចំណេះដឹងតែខ្វះភាពក្លាហាន អ្វីដែលមានក្នុងខួរក្បាលនឹងមិនអាចយកមកប្រើការបានឡើយ។ ដូច្នេះអ្នកត្រូវតែមានចំណុចនេះ។

ភាពឈ្លាសវៃក្នុងការខិតខំ ភាពឧស្សាហ៍ បើខិតខំចំកន្លែង អ្នកនឹងមានលុយប្រើប្រាស់យ៉ាងច្រើនតាមល្បឿនដែលអ្នកចង់បាន។

ភាពឧស្សាហ៍ត្រូវតែប្រើឱ្យត្រូវជាមួយភាពឆ្លាតវៃ និងភាពក្លាហាន បើមិនដូច្នោះទេ វានឹងក្លាយជាការខំធ្វើការងារឱ្យតែផុតមួយថ្ងៃៗ។

៤. អ្នកអាចមានទាំង លុយ និង ពេលវេលា កុំអាលគិតថាពេលធំឡើងធ្វើការ អ្នកនឹងមានលុយតែគ្មានពេល។

អ្នកអាចមានទាំងពីរបាន ដោយគ្រាន់តែខំធ្វើការក្នុងរយៈពេលណាមួយ ហើយប្រើពេលវេលាទំនេរស្វែងរកវិធី ចាត់ចែងឱ្យលុយធ្វើការជំនួស។ យុគសម័យនេះ មានវិធីជាច្រើន សាកល្បងសិក្សាមើលណា៎។

៥. ធ្វើអ្វីដែលអ្នកចូលចិត្ត និងចែករំលែកជាការលើកទឹកចិត្តដល់អ្នកដទៃ នៅពេលអ្នកធ្វើអ្វីដែលអ្នកចូលចិត្ត អ្នកនឹងមិនងាយអស់កម្លាំងចិត្ត ឬ burnout ក្នុងការធ្វើវាឡើយ។

ហើយនៅពេលអ្នកចែករំលែកការលើកទឹកចិត្តដល់អ្នកដទៃ អ្នកនឹងទទួលបានផលតបស្នងមកវិញយ៉ាងមិនគួរឱ្យជឿ។

៦. ចូរបង្កើនចំណូល មិនមែនកាត់បន្ថយតម្រូវការឡើយ មនុស្សទូទៅពេលចង់បានអ្វីមួយ គេច្រើនតែជ្រើសរើសកាត់បន្ថយការចំណាយដែលមិនចាំបាច់ ដើម្បីសន្សំលុយទៅទិញរបស់ដែលចង់បាន។

សម្រាប់ខ្ញុំ វិធីនោះមិនសូវមានប្រសិទ្ធភាពទេ សាកប្តូរមកជាការរកវិធីបង្កើនចំណូលឱ្យកាន់តែច្រើន ដើម្បីទិញរបស់ដែលយើងចង់បាន វាមិនប្រសើរជាងទេ ឬ?

៧. ជ្រើសរើសការងារដែលលក់ តម្លៃ មិនមែនលក់ ពេលវេលា ចំណុចនេះស័ក្តិសមសម្រាប់អ្នកដែលចង់មានលុយកាន់តែច្រើន។

បើអ្នកផ្ដោតតែលើការធ្វើការតាមម៉ោង ចូលព្រឹក ចេញល្ងាច ចំណូលរបស់អ្នកនឹងនៅទ្រឹង ហើយមិនច្រើនដូចអ្វីដែលអ្នកចង់បានឡើយ។

បើចង់មានលុយច្រើន ចូរយកពេលទំនេរសាកល្បងរកការងារដែល លក់តម្លៃនៃស្នាដៃវិញ ព្រោះបើអ្នកមានស្នាដៃល្អ អ្នកដទៃនឹងសុខចិត្តចំណាយលុយក្នុងតម្លៃខ្ពស់ដើម្បីជួលអ្នក។

៨. ត្រូវមានវិន័យ វិន័យគឺជាអ្វីដែលធ្វើឱ្យអ្នកធ្វើរឿងណាមួយបានយ៉ាងទៀងទាត់។

បើខ្វះវិន័យ ធ្វើខ្លះមិនធ្វើខ្លះ ជីវិតនឹងពិបាកជោគជ័យណាស់ ដូច្នេះ ចូរធ្វើជាមនុស្សដែលមានវិន័យ ធ្វើអ្វីៗឱ្យបានទៀងទាត់ និងបន្តបន្ទាប់។

៩. អ្វីសំខាន់ជាងការរកលុយពូកែ គឺត្រូវចេះប្រើលុយយ៉ាងឆ្លាតវៃ យុគសម័យនេះមានការបោកប្រាស់ផ្នែកហិរញ្ញវត្ថុច្រើនណាស់។

បើខ្វះចំណេះដឹងក្នុងការយកលុយទៅបង្កើតលុយ ឬការវិនិយោគ វានឹងធ្វើឱ្យលុយដែលអ្នករកមកបានទាំងលំបាក រលាយបាត់អស់ក្នុងពេលដ៏ខ្លី។

ដូច្នេះ កុំសិក្សាតែវិធីរកលុយ ត្រូវសិក្សាពីវិធីប្រើប្រាស់លុយឱ្យឆ្លាតវៃ និងមានសុវត្ថិភាពផង។

១០. ជ្រើសរើសមនុស្សរាប់អាន ជីវិតយើងតែងតែជាមធ្យមភាគនៃមនុស្សដែលយើងចំណាយពេលជាមួយច្រើន។

ដូច្នេះ បើចង់ក្លាយជាមនុស្សបែបណា ឬមានទម្លាប់បែបណានៅថ្ងៃអនាគត ចូរនាំខ្លួនឯងទៅនៅក្បែរមនុស្សដែលអ្នកគោរព ហើយជីវិតរបស់អ្នកនឹងត្រូវបានទាញឱ្យខ្ពស់ឡើងដោយស្វ័យប្រវត្តិ។

អរគុណអ្នកទាំងអស់គ្នា ដែលតែងតែគាំទ្រ Money Buddy មករហូត!

សូមជួយ Like, Follow និង Share ជាសាធារណៈ ដើម្បីចែករំលែកចំណេះដឹង ហិរញ្ញវត្ថុដល់បងប្អូនកម្ពុជាទាំងអស់គ្នា!

ពួកយើងអានរាល់មតិយោបល់របស់បងប្អូនជានិច្ច ចូលរួមចែករំលែកគំនិត និងបទពិសោធន៍របស់បងប្អូននៅក្នុង Comment រាល់ការចូលរួមសុទ្ធតែជាកម្លាំងជម្រុញទឹកចិត្តដ៏សំខាន់ដែលធ្វើឲ្យពួកយើងមានកម្លាំងចិត្តបន្តបង្កើតមាតិកាល្អៗជាច្រើនទៀត។