សូមអនុមោទនា ថ្ងៃបុណ្យមាឃបូជា!!!
ថ្ងៃបុណ្យមាឃបូជា ចាត់ជាថ្ងៃព្រះធម៌, ថ្ងៃវិសាខបូជា ចាត់ជាថ្ងៃព្រះពុទ្ធ, ថ្ងៃអាសាឡ្ហបូជា ចាត់ជាថ្ងៃព្រះសង្ឃ ។
កាលបើជនណាមានចិត្តជ្រះថ្លា ចំពោះព្រះសាស្តាជាសម្ពុទ្ធ ឬសាវ័ករបស់ព្រះអង្គហើយ ទក្ខិណាទាន ឈ្មោះថាមានផលតិចមិនមែនឡើយ ។ 
ម្នាលមាតលីទេវបុត្រ អ្នកចូរមក យើងទាំងឡាយនឹងទៅគោរពបូជាព្រះធាតុរបស់ព្រះសាស្តាឲ្យលើសលុប ជាងនេះទៅទៀត ការសន្សំនូវបុណ្យទាំងឡាយ រមែងនាំមកនូវសេចកី្តសុខ ។
ម្នាលមាតលីទេវបុត្រ អ្នកចូរមក យើងទាំងឡាយនឹងទៅគោរពបូជាព្រះធាតុរបស់ព្រះសាស្តាឲ្យលើសលុប ជាងនេះទៅទៀត ការសន្សំនូវបុណ្យទាំងឡាយ រមែងនាំមកនូវសេចកី្តសុខ ។…………………………..
សង្ឃឹមថា យើងម្នាក់ៗនិងអាចទាញយកប្រយោជន៍បានខ្លះ ពីថៃ្ងមាឃបូជានេះ អញ្ជើញនាំគ្នាធ្វើបុណ្យទាន រក្សាសីល និងសមាធិសម្អាតចិត្តរបស់ខ្លួនក្នុងថៃ្ងនេះ ដើម្បីបូជា និងរំលឹកចំពោះគុណ ព្រះសម្មាសម្ពុទ្ធដែលព្រះអង្គ បានបង្កើតព្រះពុទ្ធសាសនា សម្រាប់ជាមាគ៌ាជីវិតដល់ពួកយើងទាំងអស់គ្នា។
ចូរសមាទានរក្សាទុកនូវឱវាទទាំង៣ ៖ ១, ឈប់ធ្វេីអំពេីអាក្រក់(បាប)ទាំងពួង។ ២, ធ្វេីអំពេីល្អ (បុណ្យ) ឲ្យរឿយៗ។ ៣, រក្សាចិត្តឲ្យបរិសុទ្ធប្រពៃ។ ទេីបសមជាសាវកមានធម៌កត្តញ្ញូចំពោះព្រះពុទ្ធគ្រប់ព្រះអង្គ។ដោយអំណាចនៃបុញ្ញកិរិយាវត្ថុទាំងឡាយ ដែលបានប្រព្រឹត្តធ្វេី ក្នុងថ្ងៃនេះក្តី កន្លងរួចហេីយមកក្តី សូមឲ្យព្រះគុណម្ចាស់ញាតិញោមពុទ្ធបរិស័ទទាំងអស់ បានជួបប្រទះតែនឹង សេចក្តីសុខចម្រើន គ្រប់ប្រការ និងសូមប្រកបដោយ ពុទ្ធពរទាំងឡាយ ៤ ប្រការ គឺ៖ អាយុ វណ្ណៈ សុខៈ ពលៈ និងសេចក្តីចម្រុងចម្រើន ជាភិយ្យោភាព រហូតដល់ព្រះនិព្វានជាទីអវសាន្ត កុំបីឃ្លៀងឃ្លាតឡើយ ។
សូមកុសលចេតនា ក្នុងការផ្សព្វផ្សាយព្រះធម៌ដែលព្រះដ៏មានព្រះភាគ ទ្រង់ត្រាស់សម្តែងហេីយដេាយល្អ ដេីម្បីឲ្យបុគ្គលទាំងឡាយ មានការយល់ដឹងបានត្រឹមត្រូវ ព្រមទាំងមានការប្រព្រឹត្តបដិបត្តិបានត្រឹមត្រូវល្អប្រសេីរឡេីង និងកាន់តែខ្ពស់ៗ ឡេីងទៀត សឹងជាហេតុ ជាបច្ច័យ នាំឲ្យព្រះធម៌ដែលព្រះដ៏មានព្រះភាគ បានទ្រង់ត្រាស់សម្តែងហេីយ មានការចម្រេីនរុងរឿង ជារៀងរហូតតទៅ ។
ដេាយអំណាចនៃសេចក្តីព្យាយាមនេះ ក៏សូមឲ្យ ព្រះពុទ្ធសាសនាឋិតថេរ គង់វង្សរីកចំរេីន គ្រប់ ៥០០០ ព្រះវស្សា កុំបី រលត់បាត់បង់ឡេីយ ៕
សូមអនុមោទនាបុណ្យ!!
No comments:
Post a Comment