មេរៀនឃរាវាសធម៌ ជាធម៌សម្រាប់អ្នកគ្រប់គ្រងផ្ទះ ឬជាធម៌សម្រាប់ឧបាសកឧបាសិកា
- ព្រះពុទ្ធរតនៈ ព្រះធម្មរតនៈ ព្រះសង្ឃរតនៈ
សរណៈ ការដល់សរណៈ អ្នកដល់សរណៈ ប្រភេទនៃការដល់សរណៈ ផលនៃការដល់សរណៈ សង្កិលេស គឺការសៅហ្មង និងភេទ គឺការដាច់នៃសរណៈ។- ពាក្យថា សរណៈ ជាឈ្មោះហៅ ព្រះរតនត្រ័យ។
ព្រះរតនត្រ័យ ឈ្មោះថា សរណៈ ព្រោះអត្ថថា បៀតបៀន អធិប្បាយថា កំចាត់បៀតបៀន ធ្វើឱ្យវិនាសនូវសេចក្តីភ័យខ្លាច សេចក្តីតក់ស្លុត សេចក្តីទុក្ខ ទុគ្គតិ សេចក្តីសៅហ្មងគ្រប់យ៉ាង ដោយការចូលដល់សរណៈនោះឯង។
ព្រះពុទ្ធ ឈ្មោះថា សរណៈ ព្រោះកម្ចាត់ភ័យរបស់សត្វទាំងឡាយ ដោយការឲ្យចូលដល់វត្ថុដែលជាប្រយោជន៍ និងនាំចេញចាកវត្ថុមិនជាប្រយោជន៍ ។ ព្រះធម៌ ឈ្មោះថា សរណៈ ព្រោះកម្ចាត់ភ័យរបស់សត្វទាំងឡាយ ឱ្យសត្វឆ្លង កន្តារ គឺភព និងឱ្យនូវសេចក្តីផូរផង់ចិត្ត។ ព្រះសង្ឃ ឈ្មោះថា សរណៈ ព្រោះកម្ចាត់ភ័យរបស់សត្វទាំងឡាយ ធ្វើសក្ការៈសូម្បីតិចតួច ឱ្យត្រឡប់បានផលដ៏បរិបូរណ៍ ព្រោះហេតុនោះ ទើបព្រះរតនត្រ័យ ឈ្មោះថា សរណៈ។ ( ការដល់ សរណៈ )
- ចិត្តុប្បាទដែលសេចក្តីជ្រះថ្លា ក្នុងព្រះរតនត្រ័យនេះ និងការគោរពក្នុងព្រះរតនត្រ័យនោះ កំចាត់បង់ ទម្លាយនៅកិលេសបាន ប្រព្រឹត្តទៅដោយអាការ គឺការមានរតនត្រ័យជាខាងមុខ ឬមិនមានអ្នកដទៃជាបច្ច័យ ឈ្មោះថាសរណគមន៍ ។
- សត្វដែលដល់ព្រមដោយចិត្តុប្បាទ នោះ រមែងដល់ព្រះរតនត្រ័យនោះជាសរណៈអធិប្បាយថា រមែងចូលដល់រតនត្រ័យ ដោយចិត្តុប្បាទ ដែលមានប្រការដូចពោលហើយយ៉ាងនេះ ឯស មេ សរណំ ឯស មេ បរាយណំ នេះជាទីរឮករបស់ខ្ញុំ។
- បុគ្គលកាលចូលដល់ ដោយវិធីសមាទាន ដូចនាយពាណិជ្ជពីរនាក់ ឈ្មោះ តបុស្សៈ: និងភល្លិកៈជាដើមថា÷
ឯតេ មំ ភន្តេ ភគវន្តំ សរណំ គច្ឆាម ឧបាសកេ នោ ភគវា ធារេតុ។- បពិត្រព្រះអង្គដ៏ចម្រើន ខ្ញុំព្រះអង្គទាំងពីរ សូមដល់ព្រះមានព្រះភាគ និងព្រះធម៌ជាសរណៈ សូមព្រះមានព្រះភាគ ទ្រង់ចាំទុកនូវខ្ញុំថា ជាឧបាសក ដូច្នេះក៏បាន។
ឯតេ មយំ ភគវន្តំ គោតមំ សរណំ គច្ឆាម ធម្មញ្ច ភិក្ខុសង្ឃញ្ច ឧបាសកំ មំ ភវំ គោតមោ ធារេតុ អជ្ជតគ្គេ បាណុបេតំ សរណំ គតន្តិ។- ខ្ញុំព្រះអង្គនោះ សូមដល់នៅព្រះគោតមដ៏ចម្រើនផង ព្រះធម៌ផង ព្រះភិក្ខុសង្ឃផង ជាទីពឹងទីរឭក សូមព្រះគោត្តមដ៏ចម្រើន ចាំទុកនូវខ្ញុំព្រះអង្គថា ជាឧបាសក អ្នកដល់នូវសារណៈស្មើដោយជីវិត តាំងអំពីថ្ងៃនេះជាដើមទៅ។
ឯតេ មំ ភគវន្តំ គោតមំ សរណំ គច្ឆាម ធម្មញ្ច ភិក្ខុសង្ឃញ្ច ឧបាសេកេ នោ ភវំ គោតមោ ធារេតុ អជ្ជតគ្គេ បាណុបេតំ សរណង្គតេតិ។- យើងទាំងឡាយនោះ សូមដល់នូវព្រះគោតមដ៏ចម្រើនផង ព្រះធម៌ផង ព្រះភិក្ខុសង្ឃផង ជាទីពឹងជាទីរឭក សូមព្រះគោតមដ៏ចម្រើន ចាំទុកនូវយើងខ្ញុំទាំងឡាយថា ជាឧបាសក អ្នកដល់នៅសារណៈស្មើដោយជីវិត តាំងអំពីថ្ងៃនេះជាដើមទៅ។(បិ-អ១០ បាលីប្រែ១៥ ២៧៩)។
( បិដកអដ្ឋកថាលេខ២៨ បិដកបាលីប្រែលេខ៤២ ទំព័រ២៦២ )។បង្រៀននិងពន្យល់ឃរាវាសធម៌ ដោយលោកគ្រូជាទីគោរពគួចតុងហុីម ។សូមចែកជូនជាធម្មទាន សូមអនុមោទនា
No comments:
Post a Comment