កត្តា៤យ៉ាង ដែលនាំឱ្យយើងបានថ្កុំថ្កើង ៖

កត្តា៤យ៉ាង ដែលនាំឱ្យយើងបានថ្កុំថ្កើង ៖
១- ឧដ្ឋានសម្បទា គឺការប្រឹងប្រែង ព្យាយាម ពោលគឺការក្រោកឈរ ដោយ ស្មារតីតស៊ូ មិនខ្លាចហត់នឿយ ក្នុងមុខរបរ ដើម្បីស្វែងរកទ្រព្យ ដែលជា មុខរបរសុចរិត ជាមុខរបរថ្លៃថ្នូរ ស្របតាមកាលៈទេសៈ។
២- អារក្ខសម្បទា គឺការរក្សា ពោលគឺ ចេះគ្រប់គ្រង ថែរក្សា សន្សំ សំចៃ មិនខ្ជះខ្ជាយនូវ ទ្រព្យសម្បត្តិដែលខ្លួនខិតខំប្រឹងប្រែងរកបានមក ដោយមិនឲ្យបាត់បង់ទៅដោយឥតប្រយោជន៍ឡើយ ។
៣- កល្យាណមិត្តតា គឺគប់រកមនុស្សល្អជាមិត្ត មិនប្រព្រឹត្តតាមបុគ្គលណា ដែលដើរក្នុងផ្លូវខុស ពោលគឺសេពគប់មនុស្សណាដែលចេះដឹង ទ្រទ្រង់នូវគុណធម៌ ជាបុគ្គលគួរគោរពរាប់អានជាអ្នកណែនាំក្នុងផ្លូវល្អផ្លូវចម្រើន មកជាមិត្តដើម្បីចម្រើនក្នុងការងាររស់នៅជាសុខក្សេមក្សាន្ត ។
៤- សមជីវិតា គឺការចិញ្ចឹមជីវិតដោយស្មើ ពោលគឺ ចេះកំណត់ដឹងនូវ ចំណូលនិងចំណាយរស់នៅឲ្យល្មមនឹងទ្រព្យ ដែលជាចំណូលមិនមែនចេះតែចង់ហ៊ឺហាឡូយឆាយ ហើយទូលាយដោយការចាយវាយនោះឡើយ តែក៏មិនត្រូវកំណាញ់ពេកដែរ ។
(ពុទ្ធោវាទ)