កូនប្រុសស្រីទាំងឡាយគួរស្ថិតក្នុងសម្បទា៤យ៉ាងដើម្បីតបស្នងសងគុណមាតាបិតាដែលកំពុងមានជីវិតរស់នៅ ។
១- ដល់ព្រមដោយសទ្ធា បើមាតាបិតាជាអ្នកគ្មានសទ្ធាជឿលើកម្មផលទេ បុត្រធីតាគប្បីដឹកនាំគាត់ឲ្យមានសទ្ធាជ្រះថ្លាឡើង ។
២- ដល់ព្រមដោយសីល បើមាតាបិតាជាអ្នកមិនទានមានសីល បុត្រធីតាគប្បីពន្យល់ណែនាំលោកទាំងទ្វេឲ្យរក្សាសីលឡើង ។
៣- ដល់ព្រមដោយការលះ បើមាតាបិតាជាមនុស្សកំណាញ់ស្វិត បុត្រធីតាគប្បីពន្យល់ណែនាំ គាត់ឱ្យចេះបរិច្ចាគទាន ។
៤- ដល់ព្រមដោយបញ្ញា បើមាតាបិតាជាអ្នកមិនចូលចិត្តស្ដាប់ធម៌ទេ បុត្រធីតាគប្បីពន្យល់ណែនាំគាត់ឲ្យចេះស្ដាប់ ហើយតាំងចិត្តចម្រើនភាវនាដើម្បីឱ្យកើតបញ្ញា ។
កុលបុត្រកុលធីតា កាលបើបានអនុវត្តនូវសម្បទា៤យ៉ាង ដូចបានពោលមកខាងលើដោយម៉ត់ចត់ចំពោះលោកអ្នកដ៏មានគុណហើយ នឹងមានឈ្មោះថាជាកតញ្ញូកតវេទីបុគ្គលគ្រប់លក្ខណសម្បត្តិ ។ សាន សារិន
No comments:
Post a Comment