ព្រះពុទ្ធដីកានិងអដ្ឋកថាចារ្យ
១០០សំណួរនិងចម្លើយអំពីឃរាវាសធម៌
៧- អ្នកដល់សរណៈ តើដូចម្ដេច? ( ឃ- ៩ )
- សត្វដែលដល់ព្រមដោយចិត្តុប្បាទនោះ រមែងដល់ព្រះរតនត្រ័យនោះ ជាសរណៈ អធិប្បាយថា រមែងចូលដល់ព្រះរតនត្រ័យ ដោយចិត្តុប្បាទដែលមានប្រការ ដូចពោលហើយយ៉ាងនេះថា ឯស មេ សរណំ ឯស មេ បរាយណំ នេះជាទីរឭករបស់ខ្ញុំ នេះជាទីទៅខាងមុខរបស់ខ្ញុំ។
(បរមត្ថជោតិកា អដ្ឋកថា។បិដកអដ្ឋកថាលេខ ៣២ ទំព័រ ១៣)។
៨ - វិធីសមាទានសរណគមន៍ម្នាក់ឯង តើដូចម្ដេច?(ឃ-១០)
- បុគ្គលចូលដល់សរណៈដោយវិធីសមាទាន ដូចអរិយសាវ័កថា÷ ខ្ញុំព្រះអង្គនោះ សូមដល់នូវព្រះគោតមដ៏ចម្រើនផង ព្រះធម៌ផង ព្រះភិក្ខុសង្ឃផង ជាទីពឹង ជាទីរឭក សូមព្រះគោតមដ៏ចម្រើន ចាំទុកនៅខ្ញុំព្រះអង្គថាជាឧបាសក អ្នកដល់នូវសារណៈស្មើដោយជីវិត តាំងអំពីថ្ងៃនេះជាដើមទៅ។
(បោតលិយសូត្រទី ១០។ បិដកអត់ខក់កថាលេខ ២៨ ទំព័រ ១៥៧) បង្រៀននិងពន្យល់ឃវាសធម៌ ដោយលោកគ្រូជាទីគោរព គួចតុងហ៊ីម ។ សូមចែកជូនជាធម្មទាន សូមអនុមោទនា
No comments:
Post a Comment