កម្ពុជា គ្រោងស្នើដាក់សម្បត្តិវប្បធម៌ខ្មែរជាច្រើនទៀត ចូលក្នុងបញ្ជីបេតិកភណ្ឌពិភពលោក រួមមានសង្ក្រាន្តផងដែរ
សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីកម្ពុជា បានថ្លែងឱ្យដឹងថា កម្ពុជាគ្រោងស្នើដាក់សម្បត្តិវប្បធម៌ខ្មែរជាច្រើនទៀតចូលក្នុងបញ្ជីបេតិកភណ្ឌពិភពលោក ដោយក្នុងនោះរួមមានទាំង សង្ក្រាន្តនៅកម្ពុជា ផងដែរ។ក្នុងពិធីសម្ពោធឆ្លងព្រះបទុមចេតិយ វត្តមណីរតនារាម ខេត្តពោធិ៍សាត់ កាលពីថ្ងៃទី៣១ ខែមីនា ឆ្នាំ២០២៤ សម្តេចធិបតី បានបញ្ជាក់ថា សម្បត្តិវប្បធម៌ ដែលកម្ពុជាគ្រោងនឹងស្នើដាក់រួមមានដូចជា៖ គុកទួលស្លែង, មន្ទីរ ម១៣, សារមន្ទីរជើងឯក, ប្រាសាទបន្ទាយឆ្មារ, ប្រាសាទភ្នំដា, តំបន់ភ្នំព្រះរាជទ្រព្យ, ប្រាសាទព្រះខ័នកំពង់ស្វាយ, ប្រាសាទបេងមាលា, រមណីយដ្ឋានបុរាណវិទ្យាភ្នំគូលែន, ក្រមា, អាពាហ៍ពិពាហ៍ខ្មែរ និងសង្ក្រាន្តនៅកម្ពុជា។ឯកសាយោង:
ចុចអានបន្ត:....https://en.wikipedia.org/wiki/Cambodian_New_Year
ជាមួយគ្នានោះ សម្តេច ហ៊ុន ម៉ាណែត បានណែនាំឱ្យក្រសួងវប្បធម៌ និងវិចិត្រសិល្បៈ ត្រៀមឯកសារដើម្បីចុះបញ្ជីសង្ក្រាន្តនៅកម្ពុជា ឱ្យរួចរាល់នៅឆ្នាំក្រោយនេះ និងអាចចូលក្នុងបញ្ជីបេតិកភណ្ឌនៅឆ្នាំ២០២៦ ដើម្បីកុំឱ្យមានមន្ទិលសង្ស័យ និងការបកស្រាយផ្សេងៗ៕
អត្ថបទ៖ សំភី
ពីវេបសាយ:https://news.sabay.com.kh/article/1354153#utm_campaign=onpage
No comments:
Post a Comment