《三季人》មនុស្ស 3 រដូវ

 《三季人》មនុស្ស 3 រដូវ

មានថ្ងៃមួយកូនសិស្សលោក ខុងជឺ កំពុងតែបោសដី ក៏មានភ្ញៀវមកលេង។
ភ្ញៀវ ៖ " ឯងជាអ្នកណា? "
កូនសិស្ស ៖ " ខ្ញុំជាកូនសិស្សរបស់លោកគ្រូ ខុងជឺ។ "
ភ្ញៀវ ៖ " តើខ្ញុំអាចសុំសួរសំណួរមួយបានទេ? "
កូនសិស្ស ៖ " បាន សួរមកចុះ។ "
ភ្ញៀវ ៖ " តើមួយឆ្នាំមានប៉ុន្មានរដូវ? "
កូនសិស្ស ៖ " រឿងនិងចាំបាច់សួរដែរ? 1 ឆ្នាំគឺមាន 4 រដូវ រដូវផ្ការីក រដូវក្តៅ រដូវស្លឹកឈើជ្រុះ រដូវរងារ។ "
ភ្ញៀវ ៖ " ខុសហើយ គឺមានតែ 3 រដូវទេ "

"មាន 4 " "មាន 3 "...........................

អ្នកទាំង 2 ប្រកែចយកឈ្នះរៀងខ្លួនហើយក៏ភ្នាល់គ្នាបើខ្ញុំចាញ់ខ្ញុំត្រូវឱនក្បាលគោរពឯង 3 ដង បើឯងចាញ់ឯងឱនក្បាលគោរពខ្ញុំ 3 ដងវិញៗ។
កូនសិស្សច្បាស់ក្នុងចិត្តប្រាកដណាស់ថាគេនឹងឈ្នះ។

ពេលនោះលោក ខុងជឺ ក៏បានដើរចេញពីបន្ទប់ អ្នកទាំង 2 ក៏សួរថា លោកគ្រូ " តើមួយឆ្នាំមានប៉ុន្មានរដូវ? "

លោក ខុងជឺ មើលហើយក៏និយាយថា ៖
" 1 ឆ្នាំមាន 3 រដូវ។ "
កូនសិស្សស្តាប់ហើយស្ទើតែខ្យល់គរ ភ្ញៀវត្រែកអរណាស់និយាយទាំងមានមោទនភាពថា ៖ " ឃើញទេខ្ញុំឈ្នះហើយ 1 ឆ្នាំមាន 3 រដូវមែន ឯងឆាប់ឱនក្បាលគោរពខ្ញុំ 3 ដងភ្លាម។ "
កូនសិស្សទាល់ក៏គោរព 3 ដងទៅ។
ពេលភ្ញៀវទៅបាត់ក៏សួរលោកគ្រូថា ៖ " លោកគ្រូ តាមពិតមួយឆ្នាំមាន 4 រដូវហេតុអ្វីបានជាលោកគ្រូថាមានតែរដូវទៅវិញ?"
លោក ខុងជឺ ៖ " ឯងមិនឃើញអ្នកមកនោះមានខ្លួនពណ៍បែតងទេ? គេគឺជាសត្វកណ្តូប ហើយសត្វកណ្តូបកើតនៅរដូវផ្ការីក ស្លាប់នៅរដូវស្លឹកឈើជ្រុះ មានជីវិតឯណានឹងឆ្លងរដូវរងារទៅ ទោះឯងខំប្រកែចដល់ស្លាប់ក៏គេមិនយល់ដែរ បើឯងព្រមចាញ់ហើយឱនក្បាលគោរពគេ 3 ដង គេសប្បាយគេបើឯងថា 4 រដូវគេមិនសប្បាយចិត្តទេ គេនឹងនៅឈ្លោះជាមួយឯងរហូត។ ឯងព្រមខាតបង់ប៉ុនហ្នឹងវាមិនអីទេ យល់នៅ? "

មិនថារឿងនេះពិតឬមិនពិតទេ គឺវាមានប្រយោជន៍សម្រាប់អ្នកខ្លាំងណាស់ បើអ្នកចេះប្រើវាឱ្យបានល្អ អ្នកអាចរស់នៅបានយូរជាងមុន 10 ឆ្នាំ ជឿខ្ញុំទៅ។
មានមនុស្សជាច្រើនស្តាប់រឿងនេះហើយ គាត់ក៏មានចិត្តរីករាយ ឈប់ខឹង ទោះជាគាត់បានជួបមនុស្សមិននិយាយហេតុផល ពីមុនគឺខឹងខ្លាំងណាស់ តែឥលូវគាត់លែងខឹងទៀតហើយ ឱ្យតែគិតឃើញថា 《មនុស្ស 3 រដូវ》គឺចិត្តប្រែជាស្ងប់លែងអីហើយ។

នៅក្នុងលោកយើងនេះ 《មនុស្ស 3 រដូវ》មានច្រើនណាស់គ្រប់ទីកន្លែង។
ពេលជួបដង្កូវរដូវក្តៅកុំលើករឿងទឹកកក លើកមកនិយាយគឺយើងជាអ្នកឆ្កួតហើយ។

លោក ខុងជឺ និយាយថា ៖" ជួបមនុស្សនិយាយភាសាមនុស្ស ជួបខ្មោចនិយាយភាសាខ្មោច។"
បើជួបមនុស្សមិននិយាយភាសាមនុស្សគេថាយើងចេះតែនិយាយ។ ហើយបើថ្ងៃណាមួយជួបខ្មោចយើងមិននិយាយភាសាខ្មោច តើអាចប្រាស្រ័យទាក់ទងគ្នាបានដែរ? នេះគេមិនហៅថាឱកាសនិយម ឬ លាក់ពុតនោះទេ គេថាហើយចេះបត់បែនតាមកាលៈទេសៈ។

曾仕强教授
បកប្រែ សុខ គឹមទៀវ